Spiritus EVENT

“Zemra e Tiranёs”, Njёsia Bashkiake nr.8- Tiranё dhe Akademia Europiane e Artit organizojnё mbrёmjen poetike “SPIRITUS”. Nё kёtё mbrёmje promovohet vёllimi poetik “Venera” i poetes Nila Bega Cohen. Mesazhi kryesor I kёtij vёllimi, pёrmes kёsaj mbrёmjeje bёhet i prekshёm. Duke evokuar dashurinё, nё tё njёjtёn kohё ёshtё bёrё prezent edhe Humanizmi, njё element kaq i rёndёsishёm i ҫdo shoqёrie. E nё fakt tregues i civilizimit tё saj.  Kjo mbrёmje ka si qёllim kryesor pikёrisht kёtё Humanizёm qё shoqёria jonё duhet tё ketё. Konkretisht: tё ardhurat qё do tё mblidhen nga promovimi i kёtij vёllimi poetikdo tё shkojnё nё ndihmё tё fёmijёve talasemikё tё cilёt aktualisht po kurohen pranё QSUT, nё kuadrin e njё Projekti mё tё gjerё “Unё jam njё LULEDIELLI”- projekt i cili nё qendёr tё tij ka pikёrisht kёta fёmijё. Promovimi vjen si ribotim i sukseshёm I “Venera”-s nga Shtёpia Botuese “Onufri” dhe botuesi i saj Z.Bujar Hudhri. Pёr tё pranishmit do tё ketё nga njё diskutim tё shkurtёr mbi kёtё vёllim, temat, poezinё dhe mesazhet sikur dhe impaktet e tij tek lexuesi e nё shoqёri, nga Prof. Pёrparim Kabo, Nёnkryetarja e AEA Zj. Mimoza Erebara, Botuesi Z. Bujar Hudhri dhe shkrimtari e gazetari Kliton Nesturi. Mbrёmja do shoqёrohet me muzikё Jazz, live. Tё pranishёm do tё jenё edhe njё grup tё rinjsh tё talentuar, anёtarё tё Unionit tё Artistёve pa Kufij, tё cilёt do tё performojnё nё kёtё mbrёmje. Mbrёmja poetike “Spiritus” organizohet nё ora 19:00, datё 14/05/2017 tek Villa Vecchia, rruga “Qemal Stafa”, Tiranё.
117 Shikime

Startup Albania

Rrjeti i Informimit i BE-së në Shqipëri, EUIN dhe Agjencia Shqiptare e Zhvillimit të Investimeve, AIDA, në bashkëpunim me Innovation HUB, EU Policy Hub dhe Ministrinë e Arsimit dhe Shkencës shpallin Konkursin Kombëtar “Startup Albania 2017”.  Të rinj, studentë apo sipërmarrës të rinj që keni një ide inovative APLIKONI në Konkursin Kombëtar “Startup Albania 2017” Dorëzoni projekt propozimin tuaj në adresën info@euin.al (1 mars – 10 prill, 2017). Ne mbështesim idetë inovatore dhe sipërmarrësit e rinj! Mos e humb këtë mundësi! Bëhu pjesë e Startup Albania 2017! Si të aplikoni në Konkursin Kombëtar “Startup Albania 2017” 1. Faza e parë: 1 mars – 15 prill, 2017  Dorëzoni projekt propozimin tuaj në adresat info@euin.al. Përshkruani idenë/biznesin tuaj, produktin, ekipin realizues dhe planin e biznesit në formularin e aplikimit. 2. Faza e dytë: 15 prill – 30 prill Vlerësimi i projektpropozimeve. Përzgjedhja e kandidatëve të cilët do të ftohen të ndjekin sesionet e trajnimit (coaching sessions). 3. Sesionet e trajnimit: 20 prill – 30 prill, 2017  Përmirësimi i propozmit teknik dhe planit të biznesit përmes trajnimit të sipërmarrësve të rinj.  4. Prezantimi dhe ceremonia e ndarjes së çmimeve tëKonkursit Kombëtar “Startup Albania 2017” gjatë Javës së Evropës (6 -13 maj 2017). Si mund të marr pjesë: - Të rinj, studentë të moshës 18-35 vjeç që kanë një ide biznesi, si dhe organizata rinore, shoqëri civile, anëtarët e të cilës janë nën 35 vjeç. - Sipërmarrës që drejtojnë një biznes i cili është rregjistruar në Qendrën Kombëtare të Regjistrimit prej një viti, por jo më shumë se 2 vjet.  Kërkesa: - Idetë start-up duhet të jenë inovatore - Nuk ka kufizime për tematikën e projektpropozimeve - Sipërmarrjet ekzistuese që plotësojnë kriteret nuk duhet të kenë përfituar financime më parë - Vendi kryesor i ushtrimit të aktivitetit duhet të jetë brenda territorit të Republikës së Shqipërisë
118 Shikime

Kjo provë e thjeshtë zbulon personalitetin tuaj

Mënyra se si ju shkruani në një fletë të bardhë tregon shumë për personalitetin tuaj. Kjo gjë theksohet së fundmi nga psikologë në SHBA, të cilët kanë kryer hulumtimin e kanë pasqyruar rezultatet në “The Huffington Post”. Analizat e mëparshme janë përqendruar kryesisht në zakonet, gjuhën, gjestet, tiparet e fytyrës për të zbuluar personalitetin e njeriut. Tashmë, analiza është e përqendruar te shkrimi i dorës, për të cilin ka ekzistuar gjithmonë një debat midis shkencëtarëve, nëse personaliteti i dikujt mund të jetë i njohur nga dorëshkrimi i tij apo jo. Dhe ndërsa ka mendime kaq të ndryshme mbi këtë temë, ende ka disa tipare të personalitetit, në mendimin e psikologëve që kanë kryer studimin, që nga dorëshkrimi i një personi, mund të nxirren me saktësi shumë të lartë tipare të personalitetit. Hulumtuesit i kanë përmbledhur gjetjet e tyre në 5 pika: 1) Presioni që ushtrojmë te stilolapsi: Disa njerëz, kur shkruajnë, ushtrojnë presion mbi stilolapsin me të cilin shkruajnë. Sipas hulumtimit, këta njerëz janë zakonisht njerëz kokëfortë, të papërkulur dhe kanë një sasi të madhe këmbëngulje dhe vendosmërie. 2) Shkrimi në një letër pa vija: Kur shkruajmë në një letër të bardhë që nuk ka vija, disa njerëzve iu merr drejtim shkrimi për lart. Këta njerëz që shkruajnë kështu janë optimistë, ndërsa kur drejtimi i shkrimit shkon poshtë, kjo do të thotë se personi është pesimist. 3) Hapësirat në faqe: Nëse një person, teksa shkruan lë hapësirë të madhe boshe në anën e djathtë e pastaj transferohet në rreshtin e dytë, kjo tregon se ai person ka frikë për të ecur përpara dhe është i lidhur me të kaluarën. E kundërta mund të konkludohet kur ai që shkruan lë një diferencë të madhe në të majtë. 4) Shkrimi me shkronja të mëdha: Kur ju shkruani me shkronja të mëdha, kjo do të thotë se jeni të sigurt në lidhje me atë çka shkruani. Nga ana tjetër, nëse ju nuk jeni të sigurt për diçka (një përgjigje për një pyetje të provimit për shembull), atëherë mendja juaj mund t’iu detyrojë që të shkruani me shkronja të vogla. 5) Fjalët afër njëra-tjetrës: Personi që i shkruan fjalët afër me njëra-tjetrën, ka dëshirë të pavetëdijshme për t’u lidhur me njerëzit dhe për të qëndruar rreth tyre. Nga ana tjetër, ai i cili lë hapësira të mëdha në mes fjalëve, është zakonisht një person i pavarur, i cili mund të mbijetojë vetëm.
126 Shikime

Ja cilat janë 8 gjërat që të bëjnë të lumtur

Të gjithë kemi aftësinë për ta bërë veten tonë të lumtur, por ja cilat janë 8 gjërat që të bëjnë të lumtur... Duke nisur nga leximi i një historie aventure apo të shikosh yjet në qiellin e pastër të natës. Por lumturia nuk vjen lehtë, duhet të punojmë që ta arrimë.  Është ndjenja që të gjithë duam, edhe pse ndonjëherë na duket shumë larg. Çelësi i lumturisë është i panjohur për ne, por sipas psikologëve dhe disa studimeve të bëra, ekzistojnë disa gjëra, të cilat kanë ndikim në mbarëvajtjen e lumturisë. Ja dhe lista e gjërave që na bëjnë të lumtur: 1–Shkruaj tre gjëra për të cilat je me fat që i ke Të mbash një tabelë me gjërat që ti ndihesh me fat, të ndihmon që të kesh gjithmonë një anë pozitive për jetën. 2– Medito Sipas psikologëve, të meditosh të ndihmon të kalosh ndjenjat e ankthit dhe depresionit. Gjithashtu, personat që meditojnë për një periudhë kohe, shfaqin një memorie më të mirë. 3– Lexo një histori aventure Sipas disa studiuesve, të lexosh historinë e një personi tjetër është më pak stresuese dhe të lejon që të krahasosh vetën tënde me historinë e tij. Ata ju tregojnë një mënyrë se si të jesh i lumtur. 4–Mos rri brenda, dil për një shëtitje në natyrë Nëse je i mërzitur dhe i stresuar, dil, mos rri brenda. Por, zgjidh një vend me gjelbërim, pasi aty do të gjesh freskinë dhe qetësinë. Natyra të ndihmon të largosh mendimet negative. 5– Bëj gjërat që bën kur je i lumtur, edhe pse nuk je Ndjenjat pozitive të ndihmojnë, që në një farë mënyre, të largosh mendimet negative dhe pesimizmin. Duke menduar për gjërat pozitive, mund të marrësh vendime të duhura për veten tënde. 6–Shkruaj disa nga objektivat që ti e di që mund t’i arrish Të bësh një listë me gjërat që ti je i sigurt që mund t’i arrish, ia del mbanë për të përfunduar një punë. Kjo metodë të jep optimizëm, pasi e quan veten të aftë për të bërë diçka. 7–Qesh më shumë Të gjithë e dinë që e qeshura të zgjat jetën, kështu që të qeshim sa më shumë e me sinqeritet. 8– Gjej kohë për shoqërinë Sipas një studimi, të kalosh kohën me shoqërinë do të të japë më shumë kënaqësi dhe ju do ndiheni të lumtur.
127 Shikime

Facebook, Instagram, Snapchat rrisin mundësinë për ankth dhe depresion

Një sondazh kombëtar i Universitetit të Pittsburgh ka mbërritur në përfundimin  se rreziku i një personi për depresion dhe ankth rritet me numrin e platformave të mediave sociale që ai përdor. Analiza, botuar në revistën ”Computers in Human Behaviour”, ka treguar se njerëzit të cilët përdorin nga shtatë deri në 11 platforma kanë mbi tri herë më shumë gjasa që të vuajnë nga depresioni dhe ankthi.  Sipas studimit, rreziku mbetet i njëjti si për ata që përdorin disa rrjete sociale, edhe për ata që kalojnë shumë kohë në vetëm njërin prej tyre. "Pacientët duhet të këshillohen se ndoshta përdorimi i këtyre platformave mund të jetë i lidhur me simptomat e tyre," tha autori kryesor dhe mjeku Dr. Brian A. Primack, drejtor i Qendrës për Hulumtime në Media, Teknologji dhe Shëndet në Pittsburgh, në një deklaratë. Shkenctarët morën në shqyrtim 1,787 amerikanë të moshës 19 deri 32 vjeç, duke përdorur mjetet për vlerësim të depresionit dhe pyetësorët, të cilët kërkonin përgjigje për 11 platformat më të njohura të mediave sociale, si: Facebook, YouTube, Twitter, Google Plus, Instagram, Snapchat, Reddit, Tumblr, Pinterest, Vine dhe LinkedIn. Ata që përdorën më shumë platforma sociale ishin 3.3 herë me më shumë gjasa që të përjetonin nivele të larta të simptomave të ankthit, në krahasim me moshatarët që përdorën më pak platforma. Kërkuesit kontrolluan edhe për faktorë të tjerë, duke përfshirë racën, gjininë, relacionet me partnerin, të ardhurat e familjes, arsimin dhe kohën totale të shpenzuar në mediat sociale. "Mund të jetë edhe e kundërta, që njerëzit që vuajnë nga simptomat e depresionit apo ankthit, të kenë tendencën për të përdorur një gamë të gjerë mediash sociale, sepse aty ndihen rehat dhe të pranuar", tha Primack në një deklaratë. "Megjithatë, ka mundësi që përpjekja për të qenë prezent në platforma të shumëfishta mund të çojë në depresion dhe ankth”, tha ai.
129 Shikime

Harta e Eventeve