“The Big Short”, një tjetër film Oskari në Kinema Millennium.

Vijon parada e filmave të nominuar për Oskar në ekranin e madh të Kinema MIllennium. Pas “The Revenant” është radha e një tjetër filmi të bujshëm që të projektohet për publikun shqiptar prej datës 28 janar. Bëhet fjalë për “The Big Short” i nominuar për pesë statuja të cmuara Oskari, ndërsa rendit deri tani 19 cmime në konkurrime të ndryshme. Ndërkohë filmi është shënuar edhe me 66 nominime në shumë prej garave më spektakolare të këtij sezoni çmimesh për kinemanë. Me Christian Bale, Steve Carell, Ryan Gosling, Brad Pitt por edhe Marisa Tomei, “The Big Short” ia ka dalë të tërheqë vëmendjen e publikut dhe të kritikës duke marrë miratimin e saj thuajse unanim. Deri më 24 janar 2016, filmi arkëtoi në fare pak kohë, një total prej 87.4 milionë dollarësh kundejt një buxheti prej vetëm 28 milionë dollarësh çfarë tregon reagimin e menjëhershëm pozitiv të publikut. Ndërkaq kritika e ka lëvduar thuajnë në unanimitet filmin duke vlerësuar mënyrën e trajtimit të subjektit, detajet, interpretimin dhe dimensionin real “The Big Short” është një dramë biografi e drejtuar nga Adam McKay i cili është gjithashtu edhe bashkëskenarist i filmit. Historia rrëfen krizën financiare të viteve 2007–2008 që rrënoi ekonomikisht shumë prej amerikanëve. Ai tregon historinë e katër njerëzve të botës së lartë të financave amerikane të cilët parashikojnë kreditë e këqia dhe krizën e strehimit në mesin e viteve 2000. Ata përfitojnë nga intuita e tyre për t’u paraprirë ngjarjeve dhe shpesh përshpejtojnë atë cka do të ndodhë duke e kthyer cdo gjë në favorin e tyre.
5 Shikime29-01-2016

Përfundon gjysmëfinalja e parë e 'Kënga Magjike 2015'

Të enjten, 3 dhjetor, është zhvilluar në Pallatin e Kongreseve gjysmëfinalja e parë e festivalit "Kënga Magjike 2015". Nën prezantimin e producentit Ardit Gjebrea, i shoqëruar këtë vit edhe nga 23-vjeçarja shqiptare me famë në Turqi, Almeda Abazi, festivali në këtë edicion të 17-të pa të ngjiten në skenë në natën e parë 23 artistë. Në regji kanë qenë dyshja Aldon Lipe dhe Iv Tase, skenari i është besuar edhe këtë edicion Dalina Buzit ndërsa është përsëritur sërish bashkëpunimi i suksesshëm me mjeshtrat italianë të njohur për punën e tyre edhe në festivalin ‘Sanremo’. Për skenografinë e ‘Pallatit të Kongreseve’ enkas për festivalin është kujdesur sërish mjeshtrit italian Gaetano Castelli, që prej vitesh krijon skenografinë e festivalit të njohur në vendin fqinj, ‘Sanremo’; si mjeshtër fotografie ka qenë një tjetër emër i njohur në Itali, Giuseppe Quini, ndërsa për shkak se ky viti ka rikthyer konkurrimin live, produksionit i është bashkuar edhe mjeshtri i audios, Emanuele Donnini. Kureshtje ka pasur edhe për komportimin e bashkë-prezantueses Almeda Abazi, e cila vendosej në prezantimin e një festivali të këtyre përmasave, pas sukseseve në Turqi, por duket se ja ka dalë vërtetë mirë sepse edhe nga reagimet e para në rrjetet sociale ‘Facebook’ dhe ‘Instagram’ është komentuar dhe pëlqyer shumë nga publiku. Nata e parë u hap me kampionët në fuqi, fituesit e edicionit të vjetshëm Aurela Gaçe dhe Young Zerka, të cilët ndezën atmosferën me këngën e tyre 'Pa kontroll'. E gjithë nata ka qenë e mbushur me një sërë surprizash ku mund të veçojnë prezencën e iluzionistit të famshëm italian, Ottavio Belli, pa lënë pas pjesmarrjen e shqiptarëve nga e gjithë bota, që përmes videomesazheve të tyre prezantonin artistët përpara performancës në skenë. Nata e dytë gjysmëfinale do të zhvillohet të premten, 4 dhjetor në Pallatin e Kongreseve dhe nuk do të mungojnë surprizat dhe performancat e një sërë artistësh të njohur si Aurela Gaçe, Flori Mumajesi, Albërie Hadërgjonaj, etj Të treja netët e festivalit 'Kënga Magjike' këtë edicion të 17-të , zhvillohen me performanca live dhe ajo që nuk ka ndryshuar është formula e veçantë e votimit, ku këngëtarët votojnë për njëri-tjetrin dhe sipas pikëve shpallet edhe fituesi i madh
6 Shikime05-12-2015

Më shumë çaj dhe kafe

Sindroma metabolike (SM) është një nga problemet më madhore globale të shekullit 21. Forma të shumta të hulumtimeve janë përdorur për t’i gjetur shkaktarët të cilët çojnë deri te diagnostikimi me SM. Një hulumtim i publikuar në muajin tetor të këtij vitit në European Journal of Nutrition tregon lidhjen në mes të konsumimit ditor të çajit dhe kafesë dhe komponentët e SM. Në hulumtimin i cili u bë në Krakov të Polonisë u përfshinë 8821 pjesëmarrës të rritur, të ndarë afërsisht proporcionalisht sa i përket gjinisë së pjesëmarrësve. Konsumi i çajit dhe kafesë u vlerësua duke përdorur frekuencat e vakteve. Rezultatet treguan se konsumuesit me shumicë të kafesë (3 ose më shumë filxhan në ditë) kishin Indeks të Masës Trupore (BMI) më të vogël, perimetër më të vogël të belit, tension më të ulët të gjakut, shtypje sistolike dhe diastolike më të ulët, më pak trigliceride dhe vlera më të larta të HDL-së (lipoproteina me densitet të lartë) sesa konsumuesit me pakicë të kafesë (më pak se 1 filxhan në ditë). Në anën tjetër, konsumuesit me shumicë të çajit kishin BMI dhe perimetër më të vogël të belit ndërsa shtypje më të lartë të gjakut në krahasim me konsumuesit me pakicë të çajit. Studiuesit erdhën në përfundim se konsumimi i çajit dhe kafesë është negativisht i ndërlidhur me Sindromën Metabolike dhe disa nga komponentët e saj.
302 Shikime29-10-2015

Sa shpenzohet për bukurinë

Një sondazh i kryer nga “YouGov” dhe “Huffington Post” në vitin 2014 në SHBA, ka gjetur se një e katërta e meshkujve (25%) dhe rreth një e pesta e femrave (21%) harxhojnë më shumë se 30 min për t’u bërë gati çdo mëngjes. Ndërsa në mbrëmje, gati gjysma e femrave duan më shumë se 30 min për t’u bërë gati në kohë. Gratë janë ato që harxhojnë më shumë, për sa u përket produkteve kozmetike. Raportet tregojnë se, kjo industri ka pasur të ardhura mbi 55 miliardë dollarë në vitin 2014. Kompanitë e bukurisë raportojnë se, një grua e zakonshme mes moshës 16-65 vjeç blen produkte të paktën 5 herë në vit. Për çdo herë, ajo harxhon rreth 43 dollarë, pra 215 dollarë në një vit. Nëse kjo shumë do të depozitohej në një fond pensioni, në moshën 70-vjeçare arrin 100 mijë dollarë. Ndonjëherë, njerëzit shkojnë shumë larg për të qenë të bukur. Sipas Shoqatës amerikane të Kirurgëve plastikë, 15.1 milionë procedura kozmetike janë kryer në vitin 2013, e cila shënon një rritje me 3% nga viti i kaluar. Nga këto raste, shumica absolute me rreth 13.4 milionë ishin procedura me ndërhyrje minimale, si injeksione botoksi apo trajtime kimike të ndryshme. Ndërkohë, 1.6 milionë njerëz iu nënshtruan ndërhyrjeve kirurgjikale estetike, si zmadhimi i gjoksit, rimodelimi i hundës apo eliminimi i dhjamit. Njerëzit janë gjithnjë e më të gatshëm për të shpenzuar shumë parà, ndonjëherë edhe me risk të madh, në mënyrë që të duken sa më bukur. A do të ndryshojë ndonjëherë kjo gjë?
347 Shikime29-10-2015

Harta e Eventeve